[demokrat]

Lahlamo indak karimbo

Pai karimbo mamikek balam

Lahlamo indak basuo

kok iyo jaweklah salam

assallamuaikum dunsanak...............lai khaba baik?



dari padang nak ka solok

tibo di solok di tembak patuih

mancaliak adiak duduak maronggok

bantuak di pitih limoratuih....



baringin di tapi banda

di tabang urang sungai kuntu

manga adiak duduak tasanda

kiro kapalo banyak kutu



dari cubadak nak tabiang

singgah sabanta di tanjuang aro

mancaliak adiak jalan bairiang

jatuah kadalam aia mato



oto putiah spion putiah

manambang nan ka singgalang

kok dak bisa adiak kanai pakasiah

sijundai ambo ado di balakang..



Baralek urang di Pitalah

Rami leknyo sajak pagi

Lah manjadi program pemerintah

Hiduik kambali ka nagari





Satali pambali banang

Panjaik kain balampih

Laki-laki di ranah minang

Pandai papatah jo patitih



Barangkek oto si Gumarang

Dari Padang taruih ka Pakan

Kalau manjadi mamak urang

Pandai-pandai jo kamanakan



antah mumbang antah kalapo

golek-golek di tangan laman

antah malang antah cilako

kok nyo iduik sagadang langan



surantiah aianyo dalam

batang kapeh lubuak tampuruang

sagadang batih masuak kadalam

rasok kaputuih urek pungguang



payakumbuah koto nan ampek

sasimpang jalan ka gulanggang

jalo lusuah ikan tak dapek

badanlah dingin dek baranang



rumpuik saruik panjanglah baa

lah panek pandan maladuangkan

ondeh iduik sananglah baa

lah payah badan manangguangkan



hilia hilia cando mamapeh

tantang parupuak manyubrang

jaso joalah ka di baleh

bansaik dek labiah dari urang





kok ado sanak nan ka mananmbahan.... buliah diserak an di siko..