Banyolan sunda

MevvahBgt

Sok ahh ambeh teu bosen, urang boboran nu make basa sunda

Spoiler for :
KOPEAH RAGRAG

Hiji poe,si nini ngadenge sora tarik pisan..

"GUBRAAAGGKKKK...!!!!"

Bakat ku reuwas si nini nanya ka si aki..

Nini : "aki,eta naon anu murag??"

Aki : "kopeah."

Nini : "naha kopeah murag sorana meni tarik kitu!??"

Aki : "pan muragna jeung aing!!"

w

Spoiler for :
AKI-AKI TEU SOPAN

Kacaturkeun aya hiji aki-aki beuki ngomong kasar, cenah. Teu ka

budak teu ka saumuran, beletak-beletak wé make babasan kasar.

Hiji waktu manéhna nguseup. Geus aya kana tilu jamna nguseup can beubeunangan

beunteur-beunteur acan.Teu lila, aya budak leutik ngaliwat ka deukeut si Aki,

terus tatanya,

“Nuju naon, Aki...?”

Si Aki ngajawab, “Na teu kadeuleu? Apan ieu keur nguseup, belegug!”

Si Budak nanya deui, “Parantos kénging laukna, Ki?”

“Acan, goblog. Tatanya wé, siah..!”, walon si Aki

“Aki nganggo eupan naon?” Si Budak nanya kénéh make babasan lemes….

“Nya ku cacing atuh, ‘njing!”, jawab si Aki murukusunu.

“Pantesan atuh, sesah nyanggutna upami ku cacing mah. Cobi ku siki ceremé

dibubukeun, teras digaley kana aci.”

Si Aki nanya, “Naha bisa kitu?”

“Nya henteu atuh, goblog!” Ceuk Si Budak bari lumpat.

Si Aki reuwas. Sapanjang umurna can kungsi disebut goblog ku sasaha ogé. Ari ieu

ku budak lemét disebut goblog… Hayang ambek tapi budak geus kabur, nahan ambek

teu bisa, napasna hukhék, nepi ka maotna di dinya kénéh. Kasakit Jantung, cenah.

Selang carita, Si Aki geus dikuburkeun. Sabada anu ngurebkeun bubar, layon Si

Aki disampeurkeun ku dua makhluk. Anu hiji mawa gegendir. Makhluk nu hiji deui

nanya, : “Salam, Ki. Ari Aki keur hirup di dunya kagungan agama?”

Ceuk Si Aki, “Nya boga atuh, belegug!”

Éta dua makhluk reuwas kacida. Nu mawa gegendir maju, pokna téh, “Aki, cobi

upami ngawalertéh nganggo basa anu lemes. Sugan wé Aki tiasa hirup balik deui

ka alam dunya…”

Ceuk Si Aki, “Naha tiasa kitu?”

“Nya henteu atuh, goblog!” ceuk éta makhluk bari habek nakol sirah Si Aki ku

gegendir.

Si Aki paéh deui…

Spoiler for :
SALAKI BELEGUG

Aya 3 lalaki anu sieun pisan ku pamajikanana, dina hiji poe ngalobrol.

Lalaki 1 : " Etamah kamari uing pasea gede jeung pamajikan, nepi ka ngorondang

tah pamajikan dewek teh.....".

Lalaki 2 : " Gelooo maneeh, hebaat euy silaing, uing mah moal wani tepi ka iraha

oge....".

Lalaki 3 : " Kacipta ku uing mah............... eta pamajikan sia bari

kokorondangan teh meureun ampun – ampunan nya..., cing kumaha tah ngomongna nu jadi pamajikan teh.....???" .

Lalaki 1 : " Pamajikan aing. bari ngorondang teh

ngagorowok.....kaluar siah KOPLOK !!!, tong nyumput di kolong ranjang lalaki teu uyahan........ dibebek siah ku aing !!!

Lalaki 2&3 : ........ ??????

[COLOR=green ]Up date an...copas dari Mang Jamal's Joke[/COLOR]

Spoiler for :
"Kang, pang meulikeun susu sakaleng, lamun aya endog meuli genep". cek bi Iteung.

Kabayan ngibrit ka warung, teu lila balik mawa susu genep kaleng.

Iteung," Si Akang, kunaon meuli susu teh genep kaleng?"

Kabayan," pan tadi di warung aya endog..."

Spoiler for :
Nini : “Dok, abdi gaduh masalah, mun abdi hitut, sok teu bau jeung teu disada, jadi hawatos, sieun teu normal … bie ge abdi teh tos 5x hitut tapi da teu aya sora’an jeung teu bau …”
dokter : “oh kitu ? cik atuh urang parios…”

Tuluy dipariksa we ku dokter teh …

Dokter : “Ieu ibu resep obat na, peser di apotik, ke 3 dinten deui ibu kadieu deui …”

Tidinya si nini meuli obatna & nginum obat sapoe 3x, tuluy datang deui ka dokter 3 poe berikutna…

Nini : “alah dok mujarab oge obat teh, ayeuna mah hitut teh disada, ngan henteu ari bau mah … ”

dokter : “oh sae atuh bu, berarti cepil na tos sehat, ayeuna urang landongan pangambung na, dijamin engke mah bau na ge bakal ka ambeu … meledek”

Nini : “hah ?!”

Spoiler for :
Babah Tjan Shie Ang maot dina umur 80 taun. Di alam baka dipapag kupananya malaikat,
" Koh, rek milih sorga atawa naraka?"

"Ke heula. Oweh rek nanya, di dua tempat eta, nu loba manusa nu mana?"

"Oh nu loba manusa mah di naraka, koh," walon malaikat. "Kunaon make nanya kitu?"

"Oweh rek muka toko..."

</div></div></div>
Last edited by: akanovak 28-05-2013 14:43
Multi Quote Quote

Terkait:

Menu