[dex]

Kato Pusako (37) Sio Sio

Spoiler for Isi:

Sio-sio utang tumbuah
Bak basangai abu dingin
Bak batanak di tungku duo
Bak maeto kain saruang
Bak mambilang kasiak di pantai
Bak maetong bulu kuciang

Bak manggantang anak ayam
Bak rnanyukek baluik hiduik
Bak maambek aie ka hilie
Bak manahan gunuang runtuah
Bak mancari jajak dalam aie
Bak mancari pinjaik dalam lunau

Bak manungkuih tulang di daun taleh
Bak manyuruakkan durian masak
Bak bagantuang di aka lapuak
Bak bapijak di dahan mati

Bak manggadangkan anak harimau
Bak manggadangkan anak ula
Bak malapehkan anjiang tasapik

Bak maungkik batu di bancah
Bak manjujuang kabau saikue
Baban barek singguluang batu
Kayu tapikue di pangkanyo

Tak baban batu digaleh
Umue habih indak bajaso
Umue panjang batungkek sabuik
Usah tacinto dalam hiduik

Walaupun disapuah ameh lancuang
Kilek Ioyangnyo kanampak juo

Bagai mamaga karambie condoang
Bak ayam baranak itiak
Bak tikuih baranak puti
Anau sabatang duo sigainyo
Mandok di baliak lumbuang
Basambunyi tampak pungguang

Angan lalu paham tatumbuak
Mabuak di angan-angan
Antimum bungkuak dalam karuang

Badan jariah bajaso indak
Arang habih basi binaso
urang maambuih jariah sajo
Urang manitiak sio-sio

Tangan panek marameh
Pasu juo dapek santannyo
Awak payah mambalah anau
Urang lain dapek sagunyo

Banyao di ujuang kuku
bagayuik di rambuik sahalai
Cindai diambiak kabasaran

Sikucapang sikucapeh
Sikue tabang sikue lapeh

Nak tabang indak basayok
Nak hinggok indak bakaki
Bagaduak-gaduakkan diri
Saku-saku ditabangkan angin

Talampau panggang anguih
Talampau tinggi jatuah
Talampau piliah tatulang
Talampau sadiah taurah buntie
Talampau suko tauriah rahasio

Mintak tulang ka lintah
Mintak sisiak ka baluik
Mangandakkan urek ka lasuang
Mancari umbuik di batu
Umpan habih ikan tak dapek
Uie-uie mintak gatah

Disadur dari Buku "KATO PUSAKO"