Mari komandan2 dari papua...
kam kasih keluar mob yg kam punya...
tong bikin komandan" ceriwis ketawa sampe guling"
ini sa kasih sa pu mob sebagai awal pembuka
Jadi ni ada pace 1 dia su sakit keras... sampe dia su mo mati...
jadi pace ni dia pesan sama dia pu anak...
anak nanti kalau bapa mati trus bapa pu teman" atau pace" sapa saja yang tanya bapa sakit apa ? jangan ko bilang kalau bapa sakit kanker eee...
tapi ko bilang saja bapa kena penyakit AIDS
sungguhhh... dia pu anak kaget setengah mati...
trus dia pu anak tanya...
Bapa kenapa sa harus tipu dorang ka bapa ?
langsung de pu bapa bilang...
BODOK !! supaya kalau bapa mati trada yang ganggu ko pu mama tooo...
Hahahahahaiiieeee....
The End
Nb : ternyata bapa ko tra rela mama kawin lagi
Yooo.. sapa lagi yang punya mob ? kasih keluar
kalau ada yang berkenan mohon melon nya , kalau ada yang tra suka mohon jang kasih cabe ka...
pediiss eee.....
nan sa lanjut lagi di mob berikutnya